ქორწინების "კონსტიტუციონალიზაცია" საქართველოში

ანოტაცია

ქორწინება საოჯახო სამართლის ამოსავალი, ცენტრალური ინსტიტუტია, რო-მელიც ფუნქციურ, ფსიქოლოგიურ, პოლიტიკურ და ხშირად რელიგიურ შინაარსს მოიცავს. თავისი არსით, იგი ერთ-ერთი უძველესი წინარესახელმწიფოებრივი, უფრო მეტიც, წინარესამართლებრივი სოციალური წარმონაქმნია, რომელიც უდი-დეს შინაარსს ატარებს და რომელთან მიმართებითაც სახელმწიფოს გამორჩეული სიფრთხილე მართებს, ვინაიდან პიროვნულ თავისუფლებასა და პირად სივრცეში უმიზნო ჩარევამ შესაძლოა ძალზე მწვავე და კრიტიკული შედეგები გამოიწვიოს. სწორედ სოციალური სტატუსისა და მნიშვნელობიდან გამომდინარე, იმის გათვა-ლისწინებით, რომ იგი სამართლებრივი ინსტიტუტიცაა, ქორწინება შეიძლება მიჩნე-ულ იქნეს ეკონომიკური თუ სამართლებრივი „უფლებების, სარგებლისა და ვალდე-ბულებების“ ერთობლიობად.