ორიგენე ალექსანდრიელის პოლიტიკური ღვთისმეტყველება

ანოტაცია

დღემდე გაბატონებული შეხედულების თანახმად, ადრეული ხანის ქრისტიანები არ იჩენდნენ განსაკუთრებულ ინტერესს პოლიტიკისადმი. ამ მხრივ, მეტად სიმპტომატურია ადრექრისტი-ანული ფილოსოფიური აზროვნებისადმი მიძღვნილი ჯორჯ კარამანოლისის ნაშრომი. მიუხედავად იმისა, რომ ავტორი ადრეული ხანის ქრისტიანი მოაზროვნეების შესახებ არსებულ მრავალ სტერეოტიპულ შეხედულებას ამსხვრევს და წარმო-გვიჩენს ამ მოაზროვნეთა საკმაოდ მდიდარ ინტელექტუალურ კულტურას, როდესაც ჯერი მიდგება მათ პოლიტიკურ შეხედუ-ლებებზე, ის აღნიშნავს: „ადრეული ქრისტიანი ფილოსოფოსები იჩენენ შეზღუდულ ინტერესს პოლიტიკური ფილოსოფიის მი-მართ, ისევე როგორც მათი თანამედროვე წარმართი ფილოსო-ფოსები“.