ადამიანის თავისუფალი ნების ქრისტიანული გაგება

ანოტაცია

ქრისტიანული ანთროპოლოგიის უმთავრესი დამახასიათებელი ნიშანია ადამიანის თავისუფალი ნება. საეკლესიო სწავლების მიხედვით, ეს თავისუფალი ნება და, ზოგადად, ადამიანის თავისუფლება, ფუნდამენტურ ფაქტორს წარმოადგენს მისი ცხონებისათვის. უფრო სიღრმისეულად თუ გავიაზრებთ, საეკლესიო მამებისათვის ადამიანის გამოხსნა საღვთო მადლის საქმეა, მაგრამ ეს არ გამორიცხავს თავისუფალი სინერგიის ფაქტორს ადამიანის მხრიდან; უფრო მეტიც, შეუძლებელია გამოხსნის საიდუმლოს აღსრულება ადამიანის თავისუფალი ნების გარეშე.